XALQIN ŞAİRİ OLMAQ ÇƏTİNDİR
Eldar Baxışın şairlə müsahibəsi
Neçə vaxtdı yaşadığımız illəri əlimizdən-ovcumuzdan alıblar. Neçə vaxtdı bu illər ömrümüzün üstündən keçib getmir. Yağılar bu illəri dava ilinə, qan ilinə, qırğın ilinə çeviriblər. Neçə vaxtdı ha çalışırıq bu dava, qırğın, qan ilini, məsələn, ədəbiyyat ilinə çevirə bilmirik. Ona görə ki, ədəbiyyatla məşğul olan yoxdu, ədəbi əsərlər yazılmır. Yox!.. Sadəcə olaraq dava, qırğın, qan püskürən torpaqda söz çətin püskürür, fikir çətin bitir, düşüncə çətin göyərir. Məmməd Arazın xalq şairi adı almasını eşidəndə ürəyimdən birinci bu keçdi: «Şükür, İlahi!» Axır ki, ədəbiyyat da yada düşdü. Axır ki, söz püskürdü, fikir bitməyən bir yerdə fikir bitdi və eyni qayda ilə, düşüncə göyərməyən yerdə düşüncə göyərməyə başladı».
Püskürən bu sözün, bitən bu fikrin, göyərən bu düşüncənin yiyəsi Məmməd Araz idig
O günü Məmməd Arazın iş yerinə zəng elədim. Dəstəyi bir qız götürdü.
Soruşdum:
- Kimdi?
- Mühasib Zümrüd Cümşüdova.
Soruşdum:
- Məmməd Araz xalq şairi adı alıb. Səncəg
Zümrüd xanım dedi:
- Məmməd Araza çoxdan ad vermək lazım idi. Biz hər bir işdə gecikdiyimiz kimi bu işdə də gecikdik. Çox gecikdik. Mənə qalanda Məmməd müəllim mənim gözümdə çoxdan xalq şairidi.
- Sən mühasibsən, deyə bilərsənmi, Məmməd müəllim nə qədər donluq alır?
- Heç nə qədər. Demək olar, heç nə qədər. 300-400 manat. Bu heç Amerika pulu ilə 3-4 dollar da eləmir.
Dedim:
- Əvəzində Birləşmiş Millətlər Təşkilatının baş katibi 300 000 dollar alır. Deyirəm, bəlkə elə Məmməd Arazın pulundan kəsib qoyurlar o cür siyasətçilərin üstünə.
Zümrüd xanım güldü:
- Nə bilim, vallah!
- Hər halda siyasətçiyə 300 000 dollar verib, şairə 3 dollar vermək Allaha xoş gedən iş deyilg
- Bəs n-ə-ə!..
Zümrüd xanımdan sonra Məmməd Arazın özü ilə danışdım. Əvvəl-əvvəl təbrik elədim onu, sonra dag
- Sevinirsiniz?
- Yox, sevinmirəm. Sevinməli bircə şey var, o da budur ki, bu qarmaqarışıqlıqda, bu dolaşıq-bulaşıq dövrdə yada düşmüşəm.
- Sizə ad veriləcəyindən əvvəlcədən xəbəriniz vardımı?
- Yox.
- Bundan necə xəbər tutdunuz?
- Evdə əyləşmişdik, televizora baxırdıq. Bir də onda gördük ki, elan elədilər. «Məmməd Araza xalq şairi adı verilirg» Kim təqdim eləyib, nə vaxt təqdim eləyib, bilmirəm.
- Dünyanın Yaponiya, Çin, Türkiyə, Amerika, İngiltərə, Fransa kimi ölkələrində xalq şairi adı yoxdu, amma bizdə var. Türkmənistanda, Özbəkistanda varg
- Belədi dəg Bir də xalq şairi olmaq asandı. Xalqın şairi olmaq çətin. Xalq şairləri çoxdu, xalqın şairləri az.
- Xalqın şairləri olanları ya qırıblar, ya sürgün eləyiblər, ya da xəstələndirib yatağa salıblar. Həmişə belə olubg
- Elədi, elədi, elədig Hə, hə, həg
dekabr, 1991