Başdaşımı kim öpəcək son dəfə? -
Bir sən, bir də Vətən küləkləri.
Məzarıma gül səpəcək son dəfə -
Bir sən, bir də Vətən küləkləri.
Daş dünyada daş olmaqdan qoruyar,
Qəlpələnib sovrulmaqdan qoruyar,
Tənhalaşıb qovrulmaqdan qoruyar
Bir sən, bir də Vətən küləkləri.
Varsa əgər bu boyda bir cığırım -
Bir qarışqa cığırına sığınım.
Mən yıxıldım, öz dalğamdan yıxıldım,
Sən bil, bir də Vətən küləkləri...
1980
|
|
